Respublika Ruwxıylıq hám aǵartıwshılıq orayı Qońırat rayonı bólimi tárepinen “Úsh áwlad” wákilleriniń ushırasıwı shólkemlestirildi
Qońırat rayonı Azatlıq MPJda jaylasqan 36-sanlı mektepte otkerilgen ushırasıwǵa miynet nuranıyı “Doslıq” ordeni iesi Jarılqap Tursınbekov, rayon «Nuranıy» qorı baslıǵı X.Qalmuratov, “Úgit-násiyatshılar” toparı aǵzası 2-sanlı mekteptiń baslawshı klass oqıtıwshısı, Qaraqalpaqstan bilimlendiriw aǵlası kókirek nıshanı iesi P.Kıdırbaeva, “Mıńjarǵan” MPJ hákim járdemshisi, “Ózbekstan belgisi” kókirek nıshanı iesi A.Xasanov, Respublika Ruwxıylıq hám aǵartıwshılıq orayı Qońırat rayonı bólimi baslıǵı U.Tileumuratova, Din isleri komitetiniń rayonlıq qánigesi YU.Kalekeev, mektep jámááti jaslar qatnastı.
Ushırasıw miymanları elimizdiӊ rawajlanıwına múnásip úlesin qosıp kiyatırǵan veteranlar hám taraw wákilleriniӊ úlgili islerin ayrıqsha tilge aldı.
Jası úlken áwlad wákilleri jaslar menen pikir alısıp, jaslıq kúsh-ǵayratın qayta sezingendey boldı desek aljaspaǵan bolamız.
Nuranıylardıӊ úgit-násiyatları jaslardı jaqsı insan bolıp jetilisiwine, hár dayım jaqsılıq islewge, tereӊ bilim alıwǵa, elimiz rawajlanıwına múnásip úles qosıwǵa baǵdarlaydı. “Kekselerge húrmet, jaslarǵa násiyat” degen ideyanı ózinde sáwlelendirgeni álbette, bunday ilajlar jaslardıӊ hár tárepleme jetik insan bolıp jetilisiwine, miynet nuranıylarınıӊ turmıs mektebi menen jaqınnan tanıs bolıwına xızmet etedi.
