Ózbekstan Respublikası Ayrıqsha jaǵdaylar ministrligi shólkemlestirilgen kún múnásibeti menen Qońırat rayonında bayram ilajı bolıp ótti.
Saltanatlı ilajda áskeriy xızmetkerler hám olardıń shańaraq aǵzaları, veteranlar hám keń jámiyetshilik wákilleri qatnastı.
Rayon hákiminiń orınbasarı A.Mamutov ayrıqsha jaǵdaylar sisteması xızmetkerlerin kásiplik bayramı menen qutlıqlap, olardıń abıroylı hám juwapkershilikli xızmetin atap ótti.
Ayrıqsha jaǵdaylar ministrligi sistemasında xızmet etip atırǵan áskeriy xızmetkerlerdi sociallıq qorǵaw, olardıń sociallıq- turmıslıq sharayatın jaqsılaw baǵdarında kóplegen jumıslar ámelge asırılıp atırǵanına toqtap ótti.
Bir topar taraw xızmetkerleri rayon hákimliginiń húrmet jarlıǵı hám sawǵaları menen sıylıqlandı.
Ilaj qatnasıwshılarına mádeniyat bólimi xızmetkerleri tárepinen tayarlanǵan koncert baǵdarlaması usınıldı.
