Mádeniyat sarayında 21-oktyabr – Ózbek tili bayramı kúnine baǵıshlanǵan bayram ilajı bolıp ótti. Onda rayon hákiminiń orınbasarı A.Mamutov jıynalǵanlardı bayram menen kutlıqladı. Atap ótilgenindey, hár qanday mámleketti mámleket, milletti millet etip dunyaǵa tanıtatuǵın onıń mámleketlik tili esaplanadı.Kóp milletli diyarımızda mámleketlik tiller esaplanǵan ózbek hám qaraqalpaq tili menen bir qatarda, hár bir millettiń óz ana tilin rawajlandırıwı ushın sharayatlar jeterli. Qońırat rayonında búgingi kúnde 10 nan aslam hár túrli millet wákilleri tınısh – tatıw jasap kelmekte. Bilimlendiriw mekemelerinde tálim qaraqalpaq, ózbek, qazaq, rus, túrkmen tillerinde alıp barılıp atırǵanlıǵı basqa millet tillerine de úlken húrmet hám itibar kórsetilip atırǵanlıǵın tastıyıqlaydı.Mádeniyat bólimi tárepinen tayarlanǵan koncert baǵdarlamasınan orın alǵan Ana Watandı, milletler aralıq tatıwlıqtı jırlawshı yoshlı qosıqlar ilaj qatnasıwshılarına bir álem zawıq baǵıshladı.
