Tómendegiler jumıs stajına qosıp esaplanadı:
a) 2019 jıl 1 yanvarǵa shekem bolǵan dáwir ushın – iskerlik túri, múlk hám xojalıq júrgiziw formalarına qaramastan, xızmetker mámleket tárepinen social qamsızlandırılǵan halda atqarǵan hár qanday jumıs, eger ol Ózbekstan Respublikası Finans ministrligi janındaǵı byudjetten tısqarı Pensiya fondına qamsızlandırıw tolemleri tólegen bolsa ;
2019 jıl 1 yanvardan keyingi dáwir ushın – xızmetker tárepinen orınlanǵan hár qanday jumıs, eger miynetke haqi tólew formasındaǵı dáramatlar esaplanǵan bolsa, sonıń menen birge fizikalıq shaxstıń 2021 jıl 1 iyunnan keyingi islemegen dáwiri ushın onıń kúyewi (hayalı ) miynetke haqi tólew formasındaǵı óz dáramatlarınan qálegen tiykarda social salıq tólegen dáwir kiredi.
1965 jıldan keyingi dáwir ushın jámiyet xojalıǵıdaǵı jumıs stajın esaplap shıǵarıwda, eger jámiyet xojalıǵı aǵzası ayrim sebeplerge bola jámiyet xojalıǵında belgilengen miynette qatnasıw minimumın atqarmaǵan bolsa, islengen waqtıniń ámelde dawam etken dáwiri esapqa alınadı.
Dóretiwshilik iskerlik penen shuǵıllanıwshı xızmetkerlerdiń is stajın, eger olar Ózbekstan Respublikası Finans ministrligi janındaǵı byudjetten tısqarı Pensiya fondına qamsızlandırıw tólemlerin tólegen bolsa, dóretiwshilik awqamlardıń basqarıwları áne sol avtordıń shıǵarması daǵaza etilgen yamasa birinshi ret jámiyet aldında atqarıw yamasa kórsetilgen kúnnen baslap belgileydi;
b) áskeriy xızmet hám partizan otryadları hám de mámleket qawipsizligi shólkemlerinde, Ózbekstan Respublikası Milliy gvardiyasinda hám ishki isler bólimlerinde xizmet etiw;
v) áskeriylestirilgen qorǵawdaǵı, arnawlı baylanıs shólkemleri hám taw-kán-qutqaruv bólimlerindegi xızmet;
g) jalǵız tártiptegi miynet hám shańaraqqa tiyisli isbilermenlik iskerligi, sonday-aq jeke járdemshi xojalıqtaǵı hám yuridikalıq shaxs sholkemlestirilmegen haldaǵı dıyqan xojalıǵıdaǵı iskerlik:
2019 jıl 1 yanvarǵa shekem bolǵan dáwir ushın – Ózbekstan Respublikası Finans ministrligi janındaǵı byudjetten tısqarı Pensiya fondına qamsızlandırıw tólemleri tólengen táǵdirde;
2019 jıl 1 yanvardan 2019 jıl 31 dekabrge shekem bolǵan dáwir ushın – birden-bir social tólem tólengen táǵdirde;
2020 jıl 1 yanvardan – social salıq tólengen táǵdirde.
d) I gruppa nagiranlıǵı bolǵan shaxsqa yamasa 18 jasqa deyingi, mayıplıǵı bar balaǵa, sonıń menen birge (emlew shólkeminiń juwmaǵına kóre) ózgelerdiń kútimine mútáj bolǵan 80 jasqa tolǵan qarıyalarǵa qarap turılǵan waqıt;
e) joqarı bilimlendiriw mákemelerinde, aspiranturada, stajyor-izertlewshi-ızleniwshiler institutında, úlken ilimiy xızmetker-izleniwshiler institutında, tayanish doktoranturada, doktoranturada hám klinikalıq ordinaturada kúndizgi oqıw, sonday-aq shetelde oqıw ;
j) bala 3 jasqa tolaman degenshe balanı kútip qaraw demalıslarında bolıw waqtı, biraq hámmesin jıynaǵanda kóbi menen 6 jıldan aspawı tiyis;
z) ofitserlar quramınan bolǵan shaxslardıń, praporshchiklardıń, michmanlardıń hám múddetten tısqarı xızmet áskeriy xizmetkerleriniń hayalları, Olardı jumısqa jaylastırıw múmkinshiligi bolmaǵan hallarda kuyewi menen jasaǵan waqıt, bıraq 10 jıldan aspaǵan dáwir;
i) Ózbekstan Respublikasınıń diplomatik wákilxanaları hám konsullik mákemeleri xızmetkerleriniń, sonıń menen birge Ózbekstan Respublikası Sırtqı isler ministrligi tárepinen xalıq aralıq húkimetler aralıq shólkemlerge kvota berilgen lawazımlarǵa xızmet saparına jiberilgen shaxslardıń hayalı (kúyewi) shet elde bolǵan, biraq 10 jıldan aspaǵan dáwir;
k) azatlıqtan juda etiwge húkim etilgen shaxslardıń jazanı otew mákemelerinde jazanı otew dáwirinde atqaratuǵın hár qanday jumısı, eger bul jumıs orınlanǵan dáwir ushın jazanı otew shólkemi tárepinen social salıq tólengen bolsa.
Jumısta mayıplanıw yamasa kásip keselligi áqıbetinde I hám II topar nagiranlıǵında bolǵan waqıt jasqa tiyisli yamasa baǵıwshısın joǵatqanlıq pensiyası tayınlanǵan waqıt stajǵa qosıp esaplanadı.
I hám II gruppa mayıplıq pensiyası tayınlanǵannan keyingi islengen dawir is stajına qosıp esaplanadı.
Jasqa tiyisli pensiya tayınlanǵannan keyingi islengen waqıt pensiyanı esaplap shıǵarıw ushın stajǵa qosıp esaplanbaydı.
Ata-anasınan ayrilǵan (shın jetim ) balalarǵa tayınlanatuǵın baǵıwshısın joǵatqanlıq pensiyaların esaplap shıǵarıw da hám áke hám ananıń ulıwma is stajına qaray ámelge asırıladı.
Qońırat rayonı Ádillik bólimi
Mámleketlik xızmetler orayı bólim baslıǵı O.Adilbayev